Cyfleusterau Maes y Sioe

Toiledau, cawodydd a chyfleusterau newid babanod

• Mynedfa A – Rhodfa E
• Cylch y Ceffylau (yn cynnwys cyfleusterau newid babanod a chyfleusterau i’r anabl) – Rhodfa J/H
• Cylch Casglu y Prif Gylch (yn cynnwys cyfleusterau newid babanod) – Rhodfa K
• Cylch y Gwartheg, cornel uchaf (yn cynnwys cawodydd) – Rhodfa M
• Cylch y Moch a’r Geifr (yn cynnwys cyfleusterau newid babanod, cyfleusterau anabl a chawodydd) – Rhodfa M
• Ardal Adloniant Cefn Gwlad (yn cynnwys cyfleusterau newid babanod a chawodydd) – Rhodfa D
• Rhodfa’r Peiriannau (yn cynnwys cawodydd) – rhwng Rhodfeydd C a D
• Neuadd Arddangos De Morgannwg (yn cynnwys cyfleusterau ar gyfer newid babanod a chyfleusterau i bobl anabl)
• Hafod a Hendre (yn cynnwys cyfleusterau ar gyfer newid babanod)
• Pafiliwn Trefaldwyn (yn cynnwys cyfleusterau ar gyfer newid babanod a chyfleusterau i bobl anabl) (Aelodau yn unig)
• Canolfan yr Aelodau (yn cynnwys cyfleusterau ar gyfer newid babanod ac i bobl anabl) (Aelodau yn unig)
• Mae cyfleusterau newid a bwydo babanod hefyd ar gael ym Mhabell Cyfleusterau Plant ar Rodfa E (gyferbyn â phrif stand y prif gylch)

Hygyrchedd

Mae sgwteri symudedd trydan a chadeiriau olwyn llaw ar gael wrth y brif fynedfa (A). Ewch i wefan Event Mobility i archebu – noder bod rhaid archebu ymlaen llaw.

Am fwy o wybodaeth am hygyrchedd, parcio i’r anabl, ein stori gymdeithasol – ewch i’n tudalen hygyrchedd.

Mynedfeydd cerdyn yn unig

Bydd y rhan fwyaf o gatiau mynediad yn derbyn taliadau CERDYN YN UNIG.
Bydd Gatiau A, C, ac G yn derbyn arian parod a cherdyn.

Meysydd parcio

Mae ein meysydd parcio a theithio AM DDIM wedi’u lleoli ar bob prif lwybr i Faes y Sioe ac mae arwyddion clir iddynt o bob cyfeiriad. Dilynwch gyfarwyddyd y marsialiaid traffig a pharcio i sicrhau eich bod yn parcio’n gyflym ac yn ddiogel a chofiwch nodi ym mha faes parcio rydych wedi parcio.

Bydd bysiau parcio a theithio rheolaidd AM DDIM yn rhedeg i Faes y Sioe ac oddi yno rhwng 7.30am a 9.30pm.

Mae ardal barcio lle gellir trefnu lle i barcio ymlaen llaw ar gael yn ein holl feysydd parcio a theithio i ymwelwyr sy’n arddangos Bathodyn Glas. Bydd bysiau gwennol parcio a theithio mynediad isel AM DDIM yn cludo ymwelwyr i Faes y Sioe ac oddi yno rhwng 7.30am a 9.30pm.

Plant sydd ar goll

Gellir dod o hyd i’r babell ar gyfer plant sydd ar goll ar Rodfa E, gyferbyn â phrif stondin y prif gylch (rhif stondin – E361). Mae’r babell ar agor rhwng 9.30 am a 7.30 pm. Y tu allan i’r oriau hyn, gofelir am blant sydd ar goll yng Ngorsaf yr Heddlu, wrth Fynedfa A. Dylid riportio unrhyw blentyn sydd ar goll i Orsaf yr Heddlu wrth Fynedfa A neu Bencadlys CAFC (Ffôn: 01982 553683).

Peiriannau codi arian

Gellir dod o hyd i beiriannau codi arian yn:

• Yr Eisteddle
• Pafiliwn Ffwr a Phlu

Argyfwng

Mewn argyfwng, ffoniwch 999.
Ar gyfer achosion nad ydynt yn argyfwng, gellir dod o hyd i Orsaf yr Heddlu wrth Fynedfa A (Ffôn: 101) neu mae Pencadlys CAFC drws nesaf i Bafiliwn Trefaldwyn (Ffôn: 01982 553683).

Cymorth Cyntaf

Mae Canolfan Feddygol â chyfarpar llawn a thîm meddygol proffesiynol wedi’i lleoli ar Rodfa D (Ffôn: 01982 551057).

Eiddo Coll

Gellir casglu eiddo coll o Orsaf yr Heddlu wrth Fynedfa A, a rhoi gwybod amdano yno hefyd.

Siop Nwyddau

Bydd siop nwyddau ger Adeiladau’r Gwartheg ar Faes y Sioe ac yn y Parc Carafanau Gwyrdd am gyfnod y Sioe.

Prif Stondin y Prif Gylch

I’r rhai nad ydynt yn aelodau mae tâl o £5 y dydd am bob sedd, os oes lle yn ardal y cyhoedd. Nid yw’n bosibl archebu seddi ymlaen llaw. Gellir prynu seddi yn yr adran gyhoeddus ar ddyddiau’r Sioe o 7.30am ymlaen. Caiff ardaloedd eu cadw ym mhen gogleddol a deheuol y Brif Stondin ar gyfer defnyddwyr cadeiriau olwyn.

Wi-Fi

Byddwch yn dod o hyd i fannau WiFi am ddim ar draws Maes y Sioe yn ystod Sioe Frenhinol Cymru yn yr ardaloedd canlynol:

• Ger y Bandstand
• Hafod a Hendre
• Canolfan yr Aelodau
• Neuadd Henllan
• Adran seddau ganolog prif stondin y Prif Gylch
• Y gyffordd rhwng y Neuadd Fwyd a Chanolfan Gneifio Meirion
• Y banc porfa sy’n edrych dros y Prif Gylch nesaf at Bafiliwn S4C

Bydd yn rhaid i ddefnyddwyr y rhyngrwyd fod o fewn 25m i arwyddion y WiFi i fod o fewn cyrraedd gorau’r signalau Wi-Fi.

Storio bagiau siopa

Gyda thros 1,000 o stondinau masnach, mae digon o gyfleoedd i fwynhau’ch hun yn y Sioe eleni. Ac nid oes angen i chi boeni am gario popeth o gwmpas drwy’r dydd… mae gennym fannau storio pwrpasol ar gyfer eich siopa lle gallwch adael popeth rydych chi wedi’i brynu hyd nes eich bod yn barod i fynd adref. Gallwch ddod o hyd i’r rhain wrth Fynedfa A a ger Mynedfa’r Peiriannau i Gerddwyr a byddant ar agor rhwng 8.30 am a 7.00 pm. Mae man storio bwyd ar gael hefyd yn y Neuadd Fwyd rhwng 9.00 am a 6.00 pm.

Ffotograffiaeth a ffilmio

Cofiwch y bydd ffotograffau a ffilmiau yn cael eu cymryd ar draws Faes y Sioe at ddibenion darlledu, cyhoeddusrwydd a marchnata.

Ffenestri aelodaeth

Yn ystod y Sioe, gellir prynu aelodaeth o’r Ffenestri Aelodaeth sydd wedi’u lleoli wrth Fynedfeydd A ac C ac yn Nhŷ Ynys Môn, gyferbyn â Phafiliwn Trefaldwyn. Bydd y Ffenestr Aelodaeth wrth Fynedfa C hefyd ar agor o 12.00 hanner dydd tan 6.00 pm brynhawn Sul cyn y Sioe.

Swyddfa’r Gwobrau

Rhodfa K (Nesaf at y Pafiliwn Rhyngwladol) – Am ganlyniadau gwobrau, ffoniwch (01982) 553905 ac nid Swyddfa’r Pencadlys. Mae canlyniadau hefyd ar gael ar Ap Sioe Frenhinol Cymru ac ar y wefan.

Caplaniaeth

Mae tîm Caplaniaeth Frenhinol Cymru wedi’i leoli yng nghyntedd Neuadd Clwyd Morgannwg ac mae ar gael 24 awr y dydd. Gellir cysylltu â’r tîm ar 0845 367 9990.

Cŵn

Ac eithrio cŵn cymorth, ni chaniateir cŵn o fewn ffens berimedr Maes y Sioe. NI CHANIATEIR CŴN CYMORTH mewn unrhyw adeiladau/ardaloedd sy’n cynnwys anifeiliaid byw, yn Neuadd Arddangos De Morgannwg, y Prif Stondin, Pafiliynau’r Aelodau, Pafiliwn Ffwr a Phlu, Neuadd Clwyd Morgannwg, y Neuadd Fwyd na dim un o fannau bwyta’r Gymdeithas. Peidiwch â gadael cŵn mewn ceir.

Ysmygu a Fêpio

Ni chaniateir ysmygu a fêpio mewn unrhyw ardal gyhoeddus gaeedig neu rannol gaeedig.

Alcohol

Ni chaniateir i ymwelwyr yfed alcohol tra’n cerdded o gwmpas Maes y Sioe ac o fewn y mannau cyhoeddus, didrwydded.

Gwasanaethau Tacsi