Parcio

Darperir parcio am ddim wrth waelod Maes y Sioe, Gogledd 3, Bryn y Ceffylau a Iard yr Orsaf (maes parcio gorlif).

Mae mannau parcio ceir hygyrch yn gyfyngedig ac ar gael i Ddeiliaid Bathodyn Glas yn unig.

Toiledau

Mae toiledau wedi’u lleoli fel a ganlyn:
• Pafiliwn Trefaldwyn,
• Neuadd Arddangos De Morgannwg,
• Prif Floc Toiledau – Ardal Da Byw (Ger Neuadd Henllan).
• Bloc yng nghefn Canolfan Arddangos Sioe Frenhinol Cymru,
• Bloc Toiledau Mynedfa’r Da Byw (Ger yr NSA),
• Bloc toiledau yng nghefn HSBC,
• Hafod a Hendre,
• Toiledau Bryn y Ceffylau,
• Toiledau Mynedfa A,
• Rhodfa J/H (Adran y Ceffylau),
• Rhodfa C/D (ger Mynedfa’r Peiriannau),
• Neuadd Clwyd Morgannwg,
• Y Pafiliwn Rhyngwladol,
• Canolfan yr Aelodau
• Bloc Toiledau’r Danffordd.
Mae cyfleusterau hygyrch ar gael ym Mhafiliwn Trefaldwyn, Neuadd De Morgannwg a Neuadd Clwyd Morgannwg.

Hygyrchedd

Bydd cyfleusterau Mobiloo yn y prif floc toiledau gyferbyn â gwesty Neuadd Henllan. Mae Mobiloo yn cynnig cyfleusterau toiledau a newid symudol, hygyrch sy’n galluogi unigolion anabl i gymryd rhan mewn digwyddiadau a theithiau gydag urddas ac annibyniaeth. Mae’r cyfleusterau toiledau yn hygyrch dros ben ac mae ganddynt fainc newid maint oedolyn a theclyn codi o’r nenfwd.

Mae sgwteri symudedd trydan a chadeiriau olwyn i’w gyrru â llaw ar gael wrth ymyl y ganolfan feddygol yn y maes parcio yn ardal isaf Maes y Sioe. Ewch i wefan Event Mobility  i archebu – sylwch fod rhaid archebu ymlaen llaw.

Cyfleusterau Newid Babanod

Pafiliwn Trefaldwyn, Canolfan yr Aelodau a Neuadd Arddangos De Morgannwg.

Darperir cyfleusterau newid babanod yn y blociau toiledau ger Cylch y Geifr, y bloc toiledau ger Neuadd Henllan, Tanffordd y Prif Gylch, y Pafiliwn Rhyngwladol (i fyny’r grisiau), Pafiliwn Trefaldwyn, Canolfan yr Aelodau ac yn Neuadd Arddangos De Morgannwg.

Bwydo a Newid Babanod Cyfeirnod Map 24

Darperir ardal bwrpasol gan y Gymdeithas yn Uned Pafiliwn y Noddwyr o dan y Prif Stondin a fydd ar agor fel a ganlyn, ac a weithredir gan Stiwardiaid y Gymdeithas:

Dydd Llun: 10.00 am – 7.00 pm
Dydd Mawrth: 10.00 am – 4.00 pm

Plant sydd ar goll

I roi gwybod am blentyn neu oedolyn sydd ar goll, cysylltwch â Phencadlys CAFC ar 01982 553683.

Os bydd aelod o’r cyhoedd yn dod o hyd i blentyn sydd ar goll dylid mynd â’r plentyn i’r ardal Cyfleusterau Bwydo a Newid Babanod o dan y prif stondin, gweler cyfeirnod map 24.

Mae’r Gymdeithas yn mynnu bod dau berson yn tywys y plentyn sydd ar goll. Mae gweithdrefnau penodol ar waith ar gyfer dychwelyd plant a ddarganfuwyd i rieni/gofalwyr. Ni ddylech drosglwyddo plentyn yn ôl i berson sy’n honni ei fod yn rhiant/ofalwr heb ddilyn y gweithdrefnau hyn.

Peiriannau codi arian

Cyfeirnod Map 17 – Bydd peiriant codi arian a weithredir gan Cash for Events ger Pafiliwn Trefaldwyn.

Argyfyngau

Mewn argyfwng, ffoniwch 999. Ar gyfer achosion nad ydynt yn argyfwng, gellir cysylltu â’r heddlu ar 101 neu mae Pencadlys CAFC drws nesaf i Bafiliwn Trefaldwyn (Ffôn: 01982 553683).

Rydym yn rhoi ystyriaeth ddifrifol i ddiogelwch ein hymwelwyr sy’n dod i’n digwyddiadau ac fe fydd gennym fesurau ar waith i’ch diogelu. Mae hyn yn cynnwys camerâu Teledu Cylch Cyfyng mewn nifer o fannau ar y safle, chwilio bagiau a gweithdrefnau a phrotocolau i’w dilyn mewn argyfwng.

Os oes unrhyw bryderon gennych neu os ydych yn gweld unrhyw beth amheus, peidiwch ag oedi rhag cysylltu â ni. Mae’n annhebygol y bydd ymosodiad gyda gwn neu gyllell ond petai hynny’n digwydd, cofiwch ‘RHEDWCH, CUDDIWCH a DYWEDWCH’. Pan fyddwch wedi dod o hyd i rywle diogel i guddio, diffoddwch y sain ar eich ffôn symudol a’i raglennu i beidio â dirgrynu.

Cymorth Cyntaf

Mae’r Ganolfan Gymorth Cyntaf wedi’i lleoli yn Nhŵr Rheoli Cylch y Defaid. Bydd yna wasanaeth parhaus o 10.00 am fore Sul tan 6.00 pm nos Fawrth.

Cŵn

Ac eithrio cŵn cymorth cofrestredig (bydd angen cardiau adnabod cydnabyddedig ar gyfer cŵn cymorth i gael mynediad) ac arddangoswyr sy’n cystadlu yn y Sioe Helgwn, ni chaniateir unrhyw gŵn o fewn ffens berimedr Maes y Sioe.

Caniateir i gŵn cymorth ardystiedig yn unig gael mynediad i’r Neuadd Fwyd a mannau arlwyo. Fodd bynnag, ni chaniateir i unrhyw gŵn fynd i unrhyw adeilad sy’n gartref i dda byw, ceffylau neu adar. Dylid rhoi gwybod i Reolwyr y Sioe am unrhyw gŵn a adewir mewn cerbyd.

Eiddo Coll

Nid yw’r Gymdeithas yn derbyn unrhyw gyfrifoldeb am eitemau a gollwyd neu a ddygwyd yn y digwyddiad. Os ydych wedi colli unrhyw eitemau, adroddwch amdanynt trwy’r wefan ganlynol: www.reportmyloss.com/uk/

Wi-Fi

Bydd mannau WiFi cyhoeddus am ddim o amgylch prif gylch y gwartheg (Neuadd 1), Hafod a Hendre, y Neuadd Fwyd a Gwledd | Feast (Canolfan Gneifio Meirion).

Ffotograffiaeth a ffilmio

Cofiwch y bydd ffotograffau a ffilmiau yn cael eu cymryd ar draws Maes y Sioe at ddibenion darlledu, cyhoeddusrwydd a marchnata.

Ystafell Wobrau

Bydd Ystafell y Gwobrau CAFC, a leolir yn Neuadd Clwyd Morgannwg, ar agor o 10.00 am tan 4.00 pm bob dydd. Mae’r ystafell yn gartref i 125 o dlysau’r Gymdeithas.

Caplaniaeth

Mae tîm y Gaplaniaeth ar gael o 8.30 am tan 5.00 pm gan gynnig gofal bugeiliol i bawb – y rheini sydd â ffydd a’r rheini sydd heb ffydd. Rydym yn cynnig cymorth a chyngor i staff, ymwelwyr, arddangoswyr ac oedolion sy’n agored i niwed.

Mewn argyfwng, y rhif cyswllt yw: 07706 094822. Mae’r Ganolfan Gaplaniaeth wedi’i lleoli yn yr ystafell oddi ar y cyntedd yn Neuadd Clwyd Morgannwg. Mae’r Ganolfan Gristnogol i Gymru Wledig (CCRW) wedi’i lleoli i fyny’r grisiau yn Neuadd Clwyd Morgannwg.

Ysmygu

Ni chaniateir ysmygu mewn unrhyw ardal gyhoeddus gaeedig neu rannol gaeedig.

Alcohol

Ni chaniateir i ymwelwyr yfed alcohol tra’n cerdded o gwmpas Maes y Sioe ac o fewn y mannau cyhoeddus, didrwydded.