Joseph’s Amazing Camels

Profwch wefr ‘Joseph’s Amazing Camels’ yn yr Ŵyl Wanwyn! Mae’r arddangosfa unigryw a chyffrous hon yn arddangos ystwythder, cyflymder a swyn anhygoel yr anifeiliaid godidog hyn. Peidiwch â cholli’r uchafbwynt cyffrous hwn o’r Ŵyl.

Ceffylau Gwedd ‘Gentle Giants’

Meirion Owen a’i Gŵn Defaid

Wedi’i eni a’i fagu’n ffermwr, mae Meirion wedi bod o gwmpas cŵn defaid ar hyd ei oes. Ef yw’r drydedd genhedlaeth o’i deulu i fod yn gysylltiedig â’r grefft o hyfforddi, cystadlu ac arddangos gyda’i gŵn defaid dros y wlad i gyd.

Mae Meirion yn ymddangos yn rheolaidd ar y teledu a bu mewn tair cyfres o raglen boblogaidd iawn y BBC ‘One Man and His Dog.’ Mae wedi’i bortreadu ar lawer o raglenni teledu yn cynnwys ‘Countryfile’ a ‘The One Show’ y BBC, ‘Pet Nation’ SKY1 ac yn ddiweddar ar ‘Farmers Country Showdown’ a ‘Songs of Praise.’

Yn ei arddangosfa bydd Meirion yn rhoi gwybod am y broses o fod â chi bach i’r sgiliau a’r tips sydd eu hangen i hyfforddi’ch ci defaid. Cŵn defaid o’r enw Helen, Carlo, Sam, Jess a Megan yw’r cŵn a ddefnyddir gan Meirion a byddant yn cael eu harwain o amgylch y defaid gan ddefnyddio cyfres o orchmynion llais a chwiban.

Yn ystod yr arddangosfa bydd Meirion yn gwahodd rhywun o’r gynulleidfa i mewn i’r cylch i gael y cyfle i weithio un o’i gŵn o gwmpas diadell fechan o ddefaid.

Bydd Meirion yn ymuno â ni ar ddydd Sul yr Ŵyl yn unig.

Sgrialu-Yrru

Dechreuodd math o Sgrialu-Yrru mor bell yn ôl â’r 1950’au. Cychwynnodd yn America gyda cheffylau a wagenni pedair olwyn gan ddefnyddio casgenni i lywio o’u cwmpas ar gyflymdra. Daeth i Loegr yn ddiweddarach a defnyddid amrywiaeth o gerbydau ond yn gyffredinol cerbydau un ferlen oedd y rhain a chasgenni cwrw coch Watney’s oedd y rhwystrau.

Yna symudodd y gamp ymlaen i ddefnyddio parau o ferlod a chonau coch. Fel rheol roedd y gyrwyr yn trotian trwy’r conau er bod rhai yn rhygyngu. Yn wreiddiol roedd i’r cerbydau olwynion pren a theiars soled. Dechreuwyd defnyddio olwynion metal tua 1990 ac wrth i’r gyrwyr ddod yn ddewrach, addaswyd y cerbydau i’r gamp a ddaeth yn gyflymach wedyn, ac erbyn hyn mae’r cystadleuwyr yn gyrru’r cwrs ar y cyflymdra y gallant lywio’r cwrs.

Yn 2001 cafodd sgrialu-yrru ei gydnabod fel camp yn ei rinwedd ei hun, ffurfiwyd ‘The Scurry Driving Association’ i reoli ei weithgareddau ei hun.

Will’s Petting Farm

Bydd Will’s Petting Farm yn dod ag amrywiaeth o anifeiliaid fferm bychain draw i’r Ŵyl Tyddyn a Chefn Gwlad, yn cynnwys merlod, geifr, cwningod, moch cwta ac alpacaod.

Agorodd Will ei fferm i’r cyhoedd i hwyluso profiad i’r teulu cyfan ei fwynhau, i hybu lles cadarnhaol a chyfoethogi bywyd.

Dewch draw i gyfarfod yr anifeiliaid cyfeillgar a chael hwyl!

Syrcas Deuluol Panic

Yn dychwelyd i’r Ŵyl gyda’i dîm o berfformwyr amryddawn, mae Professor Elmo wedi ymrwymo i’w syrcas ddi-anifeiliaid a’i theatr clowniaid ton newydd sy’n gyfeillgar i bobl ac yn canolbwyntio ar blant, sydd wedi’i thrwytho yn nhraddodiad y syrcas deithiol sy’n datblygu’n barhaus.

Gyda dros 40 blynedd o brofiad mae Panic yn falch o gyflwyno Syrcas Deuluol Panic ble bydd plant (ac oedolion) yn cael eu difyrru am oriau gyda’r gweithdai sgiliau syrcas, perfformiadau syrcas crwydrol, a sioeau pypedau traddodiadol.

Asynnod Emma Llanidloes

Mae Asynnod Emma Llanidloes yn hynod o gyffrous o fod yn mynychu’r Ŵyl Wanwyn. Dewch i gyfarfod rhai o’n hasynnod, eu hysgrafellu, gwneud crefft asyn a dysgu rhywfaint o ffeithiau hwyl. Yn addas ar gyfer pob oed. Mae asynnod yn anifeiliaid therapiwtig ac yn helpu gyda lles meddyliol.

Yn sicr o roi gwên fawr ar wynebau pawb pan fyddant o’u cwmpas.

Y Brif Sioe Gŵn Agored

Mae Adran Gŵn Cymdeithas Amaethyddol Frenhinol Cymru Cyf wrth ei bodd o fod wedi derbyn statws ‘Prif Sioe Agored’ am y trydydd ar ddegfed tro. Dewch i weld dros 1,000 o gŵn sy’n gobeithio cymhwyso ar gyfer Crufts!

Mae’r Brif Sioe Agored yn un o’r atyniadau mawr i’r rhai sy’n ymweld â’r Ŵyl pan fydd llawer o gŵn gwobrwyedig yn mynd ymlaen i ymuno â thros 20,000 o’r cŵn gorau eraill a fydd yn ymddangos yn sioe enwog Crufts yn 2026.

Mae mwy na 200 o fridiau ym Mhrydain a bydd cŵn o bob siâp, maint a lliw yn ymddangos yn yr Ŵyl.

Beiciau – Builth Bulls

Cwrs rhwystrau beicio i blant. Gall plant roi cynnig ar feicio, does dim angen dod â dim gyda chi! Darperir helmedau a beiciau a gellir dangos i’ch plant sut mae wedi’i wneud.

Bydd dwy sesiwn yn cael eu cynnal bob dydd o’r digwyddiad o 10am-12.30pm a 2.00-4.30pm.

Sioe Gŵn Hwyl Sir Nawdd Caernarfon

Bydd Sir Nawdd Caernarfon CAFC yn cynnal Sioe Gŵn Hwyl nofelti yn yr Ŵyl!

A oes gan eich ci bach y gynffon fwyaf siglog? Ai’ch ci chi yw’r ci achub  gorau? Neu efallai mai’ch ci chi sy’n edrych debycaf i’w berchennog! Os felly yna dyma’r gystadleuaeth i chi.

Bydd y dosbarthiadau’n cychwyn am 12.30 y pnawn ar y ddau ddiwrnod (Sadwrn 17 a Sul 18 Mai) a byddant yn rhedeg yn olynol. Mae ffioedd cystadlu yn £2 y dosbarth. Cofrestrwch ar y diwrnod yn yr Ardal Bywyd Gwledig 30 munud cyn yr amser dechrau.

‘Gentle Giants – Shire Horses’

Dewch i gyfarfod y ‘Gentle Giants’, Joe a Frankie, yng Ngŵyl Wanwyn eleni, wedi’u lleoli gerllaw Pafiliwn Cymdeithas y Merlod a’r Cobiau Cymreig.

Dewch i wybod am y Brîd Ceffyl Gwedd hanesyddol a’r gwaith y maen nhw’n ei wneud heddiw. Yn sefyll 18 dyrnfedd o daldra, mae Joe a Frankie ill dau’n edrych ymlaen at gyfarfod â’r holl ymwelwyr ac at dderbyn llawer o sylw a mwythau yn ystod yr Ŵyl!

Cneifio a Thrin Gwlân

Mae’n bleser gennym hyrwyddo amlochredd gwlân a’r creadigaethau y gellir eu gwneud o’r deunydd allan yn ystod yr Ŵyl.

Bydd Canolfan Gneifio Meirionnydd unwaith eto yn arddangos ein Cystadlaethau Trin Gwlân a Chneifio Llafn, ar gyfer dosbarthiadau dechreuol a chanolradd, ynghyd ag Arddangosfa Cneifio Hen Fis.

Drws nesaf yn y Neuadd Grefft, Celf ac Addysg, gall ymwelwyr fwynhau arddangosiadau gan Urdd Troellwyr a Gwehy

ddion Gwent a llawer o stondinau masnach gwlân.

Garddwriaeth Cyswllt Ffermio

Bydd Garddwriaeth Cyswllt Ffermio yn meddiannu Canolfan yr Aelodau ar gyfer Marchnad y Tyfwyr, ble bydd tyfwyr yn cael y cyfle i rannu eu gwybodaeth a’u harbenigedd ac i arddangos a gwerthu eu cynhyrchion yn ystod yr Ŵyl ddeuddydd.

Rydym yn ffodus ein bod yn croesawu amrywiaeth o dyfwyr sy’n cynrychioli rhan eang o’r diwydiant garddwriaeth yng Nghymru.

Cerddoriaeth Fyw

Gall ymwelwyr fwynhau rhai o’r doniau lleol ein hardal bwyd stryd Cymraeg newydd, Gwledd | Gwledd, yn ystod y digwyddiad deuddydd.

Bydd yna amryw o berfformwyr cerddorol, yn cynnwys canu gwerin Cymreig, bandiau acwstig a bandiau Ceilidh a chanwyr a gitaryddion.

Gweler amserlen lawn y perfformiadau yma.