Siroedd nawdd - Royal Welsh Cymru

Bob blwyddyn, bydd gan y gymdeithas Sir Nawdd wahanol. Mae hyn yn tarddu o hanes cynnar y sioe, pan newidiai ei leoliad flwyddyn ar ôl blwyddyn, yn symud o gwmpas yr hen siroedd yng Nghymru.

Ers symud i’n cartref parhaol yn Llanelwedd yn 1963, mae’r siroedd yn eu tro yn Sir Nawdd. Yn ystod eu blwyddyn benodol, bydd y Sir Nawdd yn penodi Llywydd a Llysgenhades y Gymdeithas, yn ogystal â chymryd cyfrifoldeb am godi arian a threfnu amrywiaeth o ddigwyddiadau i hyrwyddo gwaith y gymdeithas a’r digwyddiadau.

Strwythur unigryw Cymdeithas Amaethyddol Frenhinol Cymru o siroedd nawdd a phwyllgorau ymgynghorol yw beth sy’n gwneud y gymdeithas yn wahanol i rai eraill ac yn sicrhau bod pobl Cymru yn cadw perchnogaeth o’r digwyddiadau. Mae ymdrechion codi arian yr holl siroedd ers 1963 wedi cyfrannu miliynau o bunnoedd, ac mae’r cyfan wedi’i fuddsoddi’n ôl i faes y sioe, gan ei wneud yn un o’r rhai gorau yn Ewrop. Mae hyn wedi creu ymdeimlad gwirioneddol o gydberchnogaeth o’n safle.

Caernarfon 2025

Eleni yw cyfle Caernarfon i fod yn Sir Nawdd Cymdeithas Amaethyddol Frenhinol Cymru dan arweiniad eu Llywydd, John Owen.

Mae dwsinau o ddigwyddiadau ar gyfer codi arian wedi eu trefnu ar draws y sir. Mi fydd y sir yn cynnal eu digwyddiad amaethyddol, sef Digwyddiad Ffermio’r Ucheldir ar ddydd Iau 12fed o Fehefin ar fferm eiconig Hafod Y Llan, ger Beddgelert.

Siroedd Nawdd y Dyfodol:

2026 Sir Frycheiniog

2027 Ynys Môn

2028 Maesyfed

2029 Gwent

2030 Meirionnydd

2031 Sir Gaerfyrddin

2032 Maldwyn

2033 Sir Benfro

2034 Clwyd

2035 Morgannwg

2036 Ceredigion

Ydych chi’n byw yn Sir Gaernarfon?

Ymunwch â ni i Ymarfer Côr Moliant y Maes! Mae croeso i bawb!

Dewch i godi’ch llais mewn cân! Byddem wrth ein bodd yn eich gweld yn ein hymarfer Moliant y Maes. Gadewch i ni greu cerddoriaeth gyda’n gilydd a mwynhau amser bendigedig o ganu a chymdeithasu.

Ymarferion yn dechrau nos Sul 9fed o Fawrth 6-7yh yng Nghapel Y Porth, Porthmadog