Ceisiadau Ar Agor Nawr ar gyfer Rhaglen Arweinyddiaeth Wledig CAFC 2025

Ceisiadau Ar Agor Nawr ar gyfer Rhaglen Arweinyddiaeth Wledig CAFC 2025

Mae Cymdeithas Amaethyddol Frenhinol Cymru (CAFC) yn falch o gyhoeddi bod y ffenestr ymgeisio ar gyfer Rhaglen Arweinyddiaeth Wledig 2025 bellach ar agor.

Mae’r rhaglen yn gyfle, sydd wedi’i ariannu’n llawn, a gynlluniwyd i feithrin y genhedlaeth nesaf o arweinwyr amaethyddol a gwledig.

Profiad Arweinyddiaeth Unigryw Wedi’i Ariannu’n Llawn

Wedi’i chefnogi drwy gymynrodd gan y diweddar Mr N Griffiths ac arian cyfatebol gan Sir Nawdd Morgannwg 2023, bydd y rhaglen arloesol hon yn datblygu hyd at 12 o ymgeiswyr eithriadol trwy daith datblygu arweinyddiaeth gynhwysfawr.

“Rydym yn chwilio am bobl ag egni ac uchelgais” meddai Aled Rhys Jones, Prif Weithredwr CAFC. “Mae ein rhaglen arweinyddiaeth wedi ennill enw gwych am helpu cyfranogwyr i gael eglurder a hyder yn eu nodau gyrfa a busnes yn y dyfodol. Mae angen pobl dda a sgiliau arwain da arnom i helpu i symud ein diwydiant yn ei flaen ac mae’r rhaglen hon yn gyfle na ddylid ei golli”.

Uchafbwyntiau’r Rhaglen

Bydd cyfranogwyr yn elwa o:

Sesiynau datblygu arweinyddiaeth dwys
Cyfleoedd rhwydweithio gyda chyd-gyfranogwyr ac arweinwyr diwydiant
Hyfforddiant sgiliau cyfryngau a chyfathrebu uwch
Cyfleoedd teithio

Effaith a Thystiolaeth

Mae cyfranogwyr blaenorol wedi bod yn llawn canmoliaeth am effaith wirioneddol drawsnewidiol y rhaglen. Dywedodd Carys Thomas, mynychwr diweddar: “Mae’r rhaglen yma wedi bod cymaint yn fwy na be o ni wedi disgwyl. Dwi wedi creu ffrindiau oes a dwi yn gwybod byddan nhw ‘na phryd bynnag sydd angen. Dwi hefyd wedi dysgu cymaint am fy hunan o ni wedi anghofio ac wedi rhoi’r hyder a oedd angen nôl i fi”.

Dywedodd Cennydd Jones: “Gwnaeth y cynllun hyn fy ngwthio i edrych ar fy hun mewn ffordd wahanol, o safbwynt beth alla i ei gynnig o safbwynt arweinyddiaeth yn y gwaith neu yn y gymuned”.

Gofynion Ymgeisydd

Rhaid i ymgeiswyr llwyddiannus ddangos: