Cymdeithas Amaethyddol Frenhinol Cymru yn Cyhoeddi Cyfranogwyr Rhaglen Arweinyddiaeth Wledig 2025–26
Mae Cymdeithas Amaethyddol Frenhinol Cymru (CAFC) wrth ei bodd i gyhoeddi enwau’r unigolion llwyddiannus a fydd yn cymryd rhan yn Rhaglen Arweinyddiaeth Wledig 2025–26. Yn dilyn proses ddethol drylwyr, dewiswyd un ar ddeg o unigolion eithriadol o bob cwr o Gymru i gymryd rhan yn y fenter hon sydd wedi ei hariannu’n llawn.
Diolch i gymynrodd hael gan y diweddar Mr N Griffiths a chyllid cyfatebol gan Bwyllgor Ymgynghorol Sir Forgannwg, mae’r rhaglen yn cynnig cyfle unigryw i gyfranogwyr ddatblygu eu sgiliau arwain, ehangu eu rhwydweithiau, a chyfrannu at ddyfodol amaethyddiaeth a chymunedau gwledig Cymru.
Cyfarfod â’r Garfan 2025–26:
Hafina Cordiner
Yn byw yn Y Wyddgrug, Sir Ddinbych, mae Hafina yn Arbenigwr Gwasanaethau Genetig gyda Genus ABS. Mae’n cynghori ffermwyr ar wella perfformiad buchesi ac yn weithgar yn y CFfI ac ar faes sioeau amaethyddol lleol. Gyda chefndir mewn biowyddoniaeth ac arbenigedd mewn geneteg gwartheg, mae’n angerddol dros addysg, ymgysylltiad cyhoeddus ac arweinyddiaeth yn y dyfodol.
Elliw Dafydd
Yn Swyddog Datblygu’r Gymraeg gyda CFfI Cymru ac o Lanilar, Ceredigion, mae gan Elliw raddau mewn Hanes a Hanes Cymru. Mae’n ymroddedig i gefnogi cymunedau gwledig a phobl ifanc, gyda phrofiad gwirfoddoli rhyngwladol a brwdfrydedd dros ddysgu cydweithredol a datblygiad personol.
Iolo Davies
Rheolwr Ymchwil / Maes yn Ganolfan Ymchwil Ucheldiroedd Pwllpeiran, IBERS, Prifysgol Aberystwyth. Mae Iolo yn arbenigo mewn systemau pori cymysg ac yn rheoli buches defaid Poll Dorset ar ei fferm 90 erw ym Mhentref Taliesin. Mae ganddo BSc mewn Amaethyddiaeth a Thystysgrif Ôl-raddedig mewn Bioarloesedd, ac mae’n cadeirio Clwb Defaid Dorset Cymru.
Alaw Evans
Ffermwraig o Grychieth, Gwynedd, sy’n cyfuno gwaith ar fferm deuluol gyda rôl ran-amser fel Asesydd FAWL. Mae ganddi BSc mewn Amaethyddiaeth Fyd-eang, MSc mewn Rheoli Tir ac Addysg Gynaliadwy a PGCE. Mae ganddi ddiddordeb dwfn mewn ffermio cynaliadwy a chadwraeth tir.
Caryl Hughes
Yn bartner yn y bumed genhedlaeth ar fferm fynydd ger Llanarmon D.C., ger Llangollen, mae Caryl yn Cadeirio NSA Cymru, ac yn gydlynydd digwyddiadau gyda CFfI Trefaldwyn. Mae hi’n eiriol dros ffermio ucheldir ac adfer hyder personol mewn rolau arwain cenedlaethol.
Eleri James
Yn byw yn Lledrod ger Aberystwyth, Ceredigion, mae Eleri yn athrawes Bwyd, Maeth ac Amaeth yn Ysgol Henry Richard, Tregaron, ac yn gydlynydd disgyblion mwy abl a thalentog 3–16 oed. Wedi’i magu ar fferm laeth yn ne Ceredigion, mae ganddi angerdd dwfn dros amaethyddiaeth ac addysg, ac mae’n defnyddio ei rôl i ysbrydoli’r genhedlaeth nesaf i werthfawrogi bywyd gwledig a’r diwydiant ffermio. Gyda gradd mewn Amaethyddiaeth ac Addysg Busnes, mae’n ymdrechu i bontio’r bwlch rhwng ystafell ddosbarth a byd go iawn ffermio. Y tu allan i’r gwaith, mae Eleri’n cefnogi’r fferm deuluol ac yn mwynhau cerdded a darllen. Mae’n benderfynol o godi proffil addysg amaethyddol fel ffordd o sicrhau dyfodol cynaliadwy i amaethyddiaeth yng Nghymru drwy arweinyddiaeth effeithiol a chydweithrediad ag ysgolion, colegau a’r diwydiant ehangach.
Katie Jones
Yn dod o Lanwrtyd, Powys, mae Katie yn arwain tîm yn Cyfoeth Naturiol Cymru ac yn cymryd rôl newydd fel partner ar fferm deuluol. Gyda chefndir mewn addysg gynradd a phwyslais ar gynaliadwyedd, mae’n angerddol dros iechyd meddwl ac arloesi ym myd amaethyddiaeth.
Erin McNaught
Ffermwraig defaid a gwartheg o Rhosygwaliau, ger y Bala, Gwynedd. Mae Erin yn llais cryf dros ffermydd teuluol mynyddig ac wedi cynrychioli ffermwyr ifanc ar lefel genedlaethol a rhyngwladol. Mae’n aelod o Fwrdd Da Byw NFU Cymru ac yn defnyddio’r cyfryngau i godi ymwybyddiaeth am y diwydiant.
Corrina Parry
Rheolwraig Gwerthiant Cynadleddau ym Mhrifysgol Bangor o Gyffordd Llandudno. Mae Corrina yn hyrwyddwr iechyd meddwl brwd ac yn Hyrwyddwr Rhanbarthol gyda Sefydliad DPJ. Mae’n mwynhau cerdded mynyddoedd ac ymdrochi gwyllt, ac yn ymrwymedig i feithrin gwydnwch mewn cymunedau amaethyddol.
Anna Bunford-Davies
Swyddog Technegol Labordy yng Nghanolfan Gwyddor Filfeddygol Cymru, Aberystwyth ac yn byw yn Llanon, Ceredigion. Mae Anna wedi astudio Gwyddor Anifeiliaid a Bioleg Filfeddygol ac Cheffylau. Mae’n rhedeg daliad bach gyda’i phartner, yn gwirfoddoli’n lleol ac yn cefnogi recriwtio milfeddygon a digwyddiadau’r gymuned amaethyddol.
Ffion Thomas
Cyfreithwraig o Gwmann, ger Llanbed, sy’n gweithio gyda Agri Advisor Solicitors. Mae’n arbenigo mewn cyfraith eiddo a chwsmeriaid preifat ac yn meddu ar raddau mewn Cyfraith a Chymdeithaseg ac yn LlC. Mae’n dwyn agwedd gyfreithiol graff ac uchelgais arwain i’r rhaglen.
Emily Wellington
Cyfreithwraig Gysylltiol gyda JCP Solicitors ym Mhenarth sy’n arbenigo mewn cyfraith amaethyddol. Gyda chefndir mewn cerddoriaeth a dawns ac angerdd dros gefn gwlad Cymru, mae’n ymroddedig i gefnogi ffermwyr ac i hyrwyddo gyrfaoedd cyfreithiol yn y sector gwledig.
Trosolwg o’r Rhaglen:
Nod Rhaglen Arweinyddiaeth Wledig CAFC yw meithrin arweinwyr cefn gwlad y dyfodol yng Nghymru. Dros flwyddyn, bydd y cyfranogwyr yn:
- Datblygu hunanymwybyddiaeth a dealltwriaeth o arddulliau arwain
- Cysylltu â ffigurau allweddol yn y diwydiant
- Gwella sgiliau cyfathrebu a chyfryngau
- Ymweld â sefydliadau allweddol yng Nghaerdydd a Llundain
- Cymryd rhan mewn gweithdai arbenigol
- Mynd i ddigwyddiadau CAFC gan gynnwys Sioe Frenhinol Cymru
Bydd y rhaglen yn dechrau gyda sesiwn breswyl yng Ngogledd Cymru rhwng 10–13 Mehefin 2025, ac yna sesiynau pellach yng Nghaerdydd a Llundain ym mis Hydref 2025.
Dywedodd Aled Rhys Jones, Prif Weithredwr CAFC:
“Rydym wrth ein bodd yn croesawu’r grŵp hynod dalentog hwn i’n Rhaglen Arweinyddiaeth Wledig. Mae gan bob unigolyn bersbectifau a phrofiadau unigryw, ac rydym yn edrych ymlaen at gefnogi eu datblygiad fel arweinwyr y dyfodol ym maes amaethyddiaeth a materion gwledig yng Nghymru.”
Bydd y cyfranogwyr llwyddiannus yn cael eu cyflwyno’n ffurfiol yn ystod Seremoni Wobrwyo Sioe Frenhinol Cymru ddydd Llun 21 Gorffennaf 2025.