Arddangoswyr Stondinau Masnach

Mae dod â stondin masnach i un o’n digwyddiadau yn ffordd wych o hyrwyddo eich busnes.

Mae’r Gymdeithas yn cynnal tri digwyddiad mawr, felly mae gennym ni lu o gyfleoedd i chi gwrdd â’ch cynulleidfa wyneb yn wyneb a’i thargedu, gwella ymwybyddiaeth o’ch brand a gwerthu.

Gall arddangoswyr stondinau masnach ddisgwyl cael llawer iawn o sylw cyn, yn ystod ac wedi’r digwyddiadau… fe wnaiff hyn oll eich helpu i gyrraedd at nifer fawr o ddarpar gwsmeriaid.

Mae’r tri digwyddiad yn denu bron iawn 300,000 o bobl, ac ar hyn o bryd, bydd ychydig yn llai na 3,000 o stondinau masnach yn mwynhau buddion arddangos ar faes Sioe Frenhinol Cymru. Bydd cwmnïau yn gwerthu amrywiaeth enfawr o nwyddau, yn cynnwys gwerthwyr peiriannau, iechyd a harddwch, nwyddau garddio, crefftau, dillad a bwyd a diod, a cheir digonedd o gyfleoedd i unrhyw fusnes fanteisio o arddangos yn ein digwyddiadau.

P’un ai a ydych chi’n fusnes annibynnol bychan yn gwerthu nwyddau o waith llaw, neu’n sefydliad amlwladol mawr, mae lle addas ar gael ar gyfer eich stondinau masnach chi.

Ffeithiau Sioe Frenhinol Cymru:

• Bydd ymwelwyr yn gwario bron iawn £10 miliwn wrth ymweld â Sioe Frenhinol Cymru

• Amcangyfrif bod gwerthiant eilaidd (masnach busnes yn bennaf) yn werth dros £6 miliwn

• Mae’n debyg y bydd gwerth £3 miliwn o fudd economaidd ychwanegol wrth i werthiant symud i lawr y gadwyn gyflenwi

• Mae 82% o fasnachwyr wedi cynnal stondin masnach yn sioe yn ystod blynyddoedd blaenorol

• Credai 83% o fasnachwyr bod y proffil ymwelwyr yn cyd-fynd â’u disgwyliadau

• Dywedodd 9 o bob 10 masnachwr eu bod yn credu y byddent yn mynychu sioe y flwyddyn nesaf

• Cafodd 70% o fasnachwyr eu cymell i fynychu’r sioe i hyrwyddo eu brand, ac roedd 55% yn gobeithio gwerthu yn uniongyrchol i bobl

• Dywedodd 96% o fasnachwyr y byddent yn argymell Sioe Frenhinol Cymru i fasnachwyr eraill!