Sefydlwyd Cymdeithas Amaethyddol Frenhinol Cymru yn 1904, a chynhaliwyd y sioe gyntaf yn Aberystwyth yn ystod yr un flwyddyn.
Mae’r gymdeithas wedi datblygu’n helaeth iawn ers y dyddiau cynnar hynny, ac mae tri digwyddiad y Gymdeithas, sef yr Ŵyl Wanwyn, Sioe Frenhinol Cymru, a’r Ffair Aeaf, wedi dod yn ddigwyddiadau pwysig yng nghalendr amaethyddol Cymru.
GŴYL WANWYN
Maes Sioe Frenhinol Cymru, Llanelwedd, Llanfair-ym-Muallt, Powys. LD2 3SY
17-18 Mai 2025.
SIOE FRENHINOL CYMRU
Maes Sioe Frenhinol Cymru, Llanelwedd, Llanfair-ym-Muallt, Powys. LD2 3SY
21-24 Gorffennaf 2025.
FFAIR AEAF FRENHINOL CYMRU
Maes Sioe Frenhinol Cymru, Llanelwedd, Llanfair-ym-Muallt, Powys. LD2 3SY
25-26 Tachwedd 2024.
Rhaglen Arweinyddiaeth Wledig CAFC 2022-2023
Yn ysbrydoli’r genhedlaeth nesaf o arweinwyr
Mae’n bleser gan Gymdeithas Amaethyddol Frenhinol Cymru, gyda chefnogaeth Sir Nawdd Morgannwg 2023, lansio Rhaglen Arweinyddiaeth Wledig newydd CAFC ar gyfer 2022-2023.
Mae’r Rhaglen Arweinyddiaeth yn anelu at ddarparu rhaglen lawn mynd o hyfforddiant, mentora, cefnogaeth ac arweiniad dros 3 sesiwn breswyl ddwys. Mae’r cyfle i rwydweithio gydag unigolion uchel eu proffil o fewn y diwydiant yn dechrau gyda diwrnod dethol/blasu i ymgeiswyr ym mis Mai 2022.
Wedi’i hanelu at ysbrydoli arweinwyr y dyfodol ym myd amaeth, bydd y rhaglen ar gael i unrhyw un wneud cais am y lleoedd cyfyngedig. Cymerwch y cyfle hwn i ddatblygu’ch sgiliau arwain ar adeg mor bwysig i’n sector.
Ffurflen Gais
Dylid e-bostio ceisiadau wedi’u cwblhau at Olwen Thomas. Ebost: eolwen@gmail.com
Dyddiad cau ar gyfer ceisiadau: Dydd Gwener 29 Ebrill 2022
