Da Byw ’22 – Cynhadledd Ffermio Da Byw Cynaliadwy

Gwahoddir aelodau cymuned wledig ac amaethyddol Cymru, gwneuthurwyr polisi, a rhanddeiliaid i fynychu  Da Byw, cynhadledd diwrnod o hyd yn canolbwyntio ar ffermio da byw cynaliadwy, sy’n cael ei chynnal am y tro cyntaf.

Yn cael ei chroesawu gan Glwyd, Sir Nawdd Cymdeithas Amaethyddol Frenhinol Cymru, bydd y gynhadledd yn digwydd ar ddydd Gwener 17^eg Mehefin 2022 yng Nghoed Coch, Dolwen, Abergele, Conwy, LL22 8AY, cartref Harry Fetherstonhaugh, Llywydd CAFC. Bydd cyflwyniad agoriadol yn cael ei roi gan Harry a’i wraig Davina yn dechrau am 9:45 y bore.

Pwrpas Da Byw ’22 yw dangos i’r sector amaethyddol a’r gymuned ehangach sut y gall newidiadau i’r arferion ffermio presennol wella cynaliadwyedd amgylcheddol ac economaidd busnesau ffermio yn sylweddol. Mae hi’n bryd tynnu sylw at y ffaith y gall amaethyddiaeth fod yn rhan o’r ateb i lawer o’r heriau amgylcheddol y mae’r byd yn eu hwynebu.

Mae’n ffaith dra hysbys mai priddoedd y byd, yn ail i’r cefnforoedd, yw’r ddalfa garbon fwyaf yn fyd-eang. Gyda bron 90% o’r tir yng Nghymru’n cael ei ddefnyddio ar gyfer amaethyddiaeth, mae i ffermwyr Cymru ran allweddol mewn dal carbon yn genedlaethol wrth inni weithio tuag at yr ymrwymiad cenedlaethol i gyflawni allyriadau sero net erbyn 2050. Mae hi’n hanfodol fod ffermio’n dod yn rhan o’r ateb.

Gyda rhestr ragorol o siaradwyr trwy gydol y dydd, gall y mynychwyr ddisgwyl clywed gan ffigyrau allweddol yn y diwydiant amaethyddol ac amgylcheddol megis Patrick Holden, Cyfarwyddwr yr Ymddiriedolaeth Fwyd Gynaliadwy, Yr Athro Prysor Williams, Uwch-ddarlithydd mewn Rheoli Amgylcheddol ym Mhrifysgol Bangor, a Clare Pilman, Prif Weithredwr Cyfoeth Naturiol Cymru. Bydd y gynhadledd yn cynnwys trafodaeth panel hefyd gyda ffermwyr sydd eisoes yn arfer ffermio atgynhyrchiol.

Amcanion Da Byw ’22

• Helpu ffermwyr da byw Cymru i symud tuag at arferion ffermio mwy cynaliadwy a ffermio mewnbwn isel.
• Darparu canllawiau ar sut i feithrin iechyd y pridd.
• Lleihau ôl troed carbon ein bwyd, dal carbon, a gweithio tuag at ddim allyriadau.
• Gwrthdroi’r duedd o gymunedau gwledig y mae’n galed arnynt. Annog ailenedigaeth ffermydd teuluol.
• Rhoi i wneuthurwyr polisi yr hyder i helpu ffermwyr Cymru i gyflawni pob un o’r uchod.

Yn dilyn y drafodaeth panel bydd bwyd min nos gan The Flameblaster, sieff o Ogledd Cymru sy’n arbenigo mewn seigiau poeth, a cherddoriaeth fyw gan yr anhygoel Police Dog Husband ac wedyn DJ Farmer of Funk.

Rhaid i ddyled enfawr o ddiolchgarwch fynd i’r noddwyr a’r cefnogwyr hael iawn sydd wedi galluogi Da Byw i fynd yn ei flaen. Diolch i’r Sefydliad Kleinheinz, Yr Ymddiriedolaeth Prudence, Banc Rathbones, teulu Naylor-Leyland, y Gwasanaethau Atal Troseddau, Ffermydd Rhug a Dewi Glyn Roberts, Brynffordd, Betws yn Rhos.

I gael mwy o wybodaeth am y gynhadledd, neu i brynu tocynnau ewch i  www.dabywlivestock.com/.