Adrannau wedi’u rhyddhau ar gyfer Sioe Geffylau Hydref Frenhinol Cymru

Yn niffyg Sioe Frenhinol Cymru, sydd wedi’i chanslo’n unol â’r cyfyngiadau sydd ohoni mae CAFC yn falch o gyhoeddi rhestr o ddosbarthiadau adrannau a fydd yn cael eu cynnal yn ystod y sioe geffylau sy’n dod yr Hydref hwn a gynhelir ar faes sioe Frenhinol Cymru dros y 3^ydd penwythnos ym mis Medi.

Bydd yr Adrannau canlynol yn cael eu beirniadu dros y digwyddiad deuddydd a gynhelir ar y 18^fed a’r 19^eg o Fedi 2021;

• Merlod Mynydd Cymreig – Adran A
• Merlod Mynydd Cymreig – Adran A – Dan Gyfrwy
• Merlod Cymreig – Adran B
• Merlod Cymreig – Adran B – Dan Gyfrwy
• Merlod Cymreig (Teip Cob) – Adran C
• Merlod Cymreig (Teip Cob) – Adran C – Dan Gyfrwy
• Cobiau Cymreig – Adran D
• Cobiau Cymreig – Adran D – Dan Gyfrwy
• Rhannol Bur Cymreig
• Rhannol Bur Cymreig – Dan Gyfrwy
• Adfeirch Cymreig
• Ceffylau a Merlod Lliw
• Merlod Shetland
• Ceffylau Hela’n Magu
• Ceffyl Chwaraeon
• Ceffylau Hela’n Gweithio
• Ailhyfforddi Ceffylau Rasio
• Palominos
• Cyfrwy Untu
• Merlod Marchogaeth yn Magu
• Merlod Hela Sioe yn Magu
• Merlod Hela Sioe
• Awenau Arwain a Marchogaeth Gyntaf
• Merlod Marchogaeth Plant
• Mynydd a Gweundir – A Farchogir
• Mynydd a Gweundir – Awenau Arwain a Marchogaeth Gyntaf
• Ceffylau Hela’n Marchogaeth
• Cob, Ceffyl Cyfrwy a Cheffyl Marchogaeth
• Ceffylau Tynnu Gwyddelig
• Ceffylau Arab

Bydd angen i bob arddangoswr gadw at y rheoliad ffliw ceffylau er mwyn cael cystadlu. I’ch atgoffa ac i osgoi siom ar y diwrnod gwnewch yn siŵr fod eich ceffylau yn gyfredol o ran eu brechiadau ffliw ceffylau.

*Nodwch mae’r Rheolau Ffliw Ceffylau isod.*

Mae’r Gymdeithas yn gweithio’n agos â Llywodraeth Cymru i ddylanwadu ar godi cyfyngiadau a gobeithir y bydd cyhoeddiadau yn y diwrnodau a’r wythnosau nesaf yn golygu y bydd modd rhedeg y digwyddiad hwn heb Gadw Pellter Cymdeithasol a niferoedd cyfyngedig.  Bydd CAFC yn sicrhau bod camau’n cael eu rhoi yn eu lle i sicrhau diogelwch pawb fydd yn dod.

Bydd atodlen lawn, beirniaid ayb. yn cael eu dosbarthu yn y man.

Rheolau Ffliw Ceffylau

Mae’r Gymdeithas yn disgwyl i’r holl geffylau fydd yn cystadlu fod â chofnod cyfredol o frechu rhag ffliw ceffylau. Rhaid iddynt fod wedi derbyn dau frechiad sylfaenol, sy’n cael eu rhoi dim llai na 21 diwrnod a dim mwy na 92 diwrnod oddi wrth ei gilydd.

Os oes digon o amser wedi mynd heibio rhaid i’r ceffyl sy’n cystadlu fod wedi derbyn brechiad atgyfnerthu hefyd, sy’n cael ei roi dim llai na 150 diwrnod a dim mwy na 215 diwrnod ar ôl ail elfen y brechiad sylfaenol, a brechiadau atgyfnerthu pellach o fewn ysbeidiau o ddim mwy na blwyddyn oddi wrth ei gilydd. Rhaid i ddim un o’r brechiadau fod wedi’i roi ar ddiwrnod y mynediad i faes y sioe nag ar unrhyw un o’r chwe diwrnod cyn y mynediad i faes y sioe.

Noder: Y gofynion lleiaf yw’r ddau frechiad sylfaenol, ynghyd â saith diwrnod cyn mynediad i faes y sioe. Rhaid i ebolion chwe mis oed neu hŷn gwrdd â’r gofyn lleiaf o ran brechu rhag ffliw ceffylau.